Pipp er stafræn markaðsstofa sem stofnuð var af fjölhæfum einstaklingum sem hafa áralanga reynslu í vefsíðugerð, bæði hér heima og erlendis, markaðssetningu á netinu, kynningarstörfum, textagerð og vörumerkjahönnun og -þróun.

En hvað er framkvæmdahús? Jú, það er staður þar sem hugmyndir öðlast líf og verða að raunveruleika með nánu samstarfi okkar og þín. Við sérhæfum okkur í vefsíðum á heimsmælikvarða og leggjum mikið upp úr því að vinna náið með þeim sem leita til okkar til að ferðalagið frá hugmynd til raunveruleika verði arðbært, lærdómsríkt, gefandi og skemmtilegt. Við sjáum líka til þess að þitt vörumerki líti vel út á hvaða tæki sem er og leggjum metnað í að gera allt þitt efni sem aðgengilegast á netinu.

Þó við sérhæfum okkur í vefsíðugerð er margt annað sem Pipp tekur sér fyrir hendur. Ef þú leitar til okkar með þitt vörumerki hugsum við vel um það og kynnum þig fyrir áhugaverðum og nýjum leiðum sem þú getur farið með vörkumerkið svo það geti vaxið og dafnað um ókomna framtíð. Ef þú átt ekki vörumerki en ert með hugmynd um hvernig þú vilt markaðssetja þitt fyrirtæki getum við líka hjálpað þér að skapa ímynd sem gæti orðið betri og sterkari en þú gast ímyndað þér.

Þú getur líka leitað til okkar ef þú þarft meiri innblástur í markaðssetningu á netinu eða kynningarstörfum svo þitt fyrirtæki og vörumerki skeri sig úr á markaðnum. Textagerð er annað sem við bjóðum stolt upp á enda er góður texti gulls ígildi. Og ef þú heldur að þetta sé alltof stórt og flókið verkefni til að ráðast í þá gerum við það ofureinfalt fyrir þig.

Endilega hafðu samband ef eitthvað af þessu heillar þig – engin áskorun er of lítil eða stór fyrir Pipp.

Þjónustan okkar

Hönnun

Við sérhæfum okkur í vefsíðuhönnun en höfum tekið að okkur alls kyns hönnunarverkefni, svo sem hönnun markaðsefnis, uppsetningu bóka, hönnun nafnspjalda og umbrot dagblaða.

Þróun

Vefsíðuþróun er okkar fag og getum við tekið að okkur flest forritunarverkefni með bros á vör og þungarokk í eyrunum. Við höfum viðað að okkur áralanga þekkingu og reynslu í vefsíðugerð, bæði hér heima og erlendis. Þetta gerir okkur kleift að uppfylla alla þína stafræna drauma.

Stafræn markaðssetning

Við höfum áralanga reynslu af stafrænni markaðssetningu og búum yfir mikilli visku um allt frá hvernig eigi að vekja athygli á samfélagsmiðlum yfir í leitarvélabestun (SEO).

Textaskrif

Við höfum skrifað texta fyrir dagblöð, tímarit, kynningar- og markaðsefni, sjónvarpsþætti, leikrit, stjórnmálaflokka – já, eiginlega um hvað sem er. Við erum hokin af reynslu!